ডিজিটেল সংবাদ মৰঙি:
ৰঙাজান শ্ৰদ্ধা ৰেষ্টোৰাৰ সভা গৃহত ভাৰতীয় চাহ মজদুৰ সংঘৰ গোলাঘাট শাখাৰ পূৰ্ণাংগ শাখা সমিতি গঠন কৰা হয়।
ভাৰতীয় চাহ মজদূৰ সংঘৰ কেন্দ্ৰীয় সমিতিৰ সাধাৰণ সম্পাদক মুকেশ জালে আঁত ধৰা এখন সভাত সভাপতিত্ব কৰে ভাৰতীয় চাহ মজদুৰ সংঘৰ কেন্দ্ৰীয় সমিতিৰ উপ সভাপতি মনোজ কৰ্মকাৰে।
গোলাঘাট জিলাৰ বিভিন্ন চাহ বাগিচাৰ ভালেকেইজন সচেতন ব্যক্তি উপস্থিত থকা সভাত বিচেম্বৰ ৰজকক ভাৰতীয় চাহ মজদুৰ সংঘৰ গোলাঘাট শাখাৰ সভাপতি আৰু মুকেশ জালক সম্পাদকৰ দায়িত্বভাৰ অৰ্পণ কৰি ২১ জনীয়া এখন শক্তিশালী ভাৰতীয় চাহ মজদুৰ সংঘৰ গোলাঘাট শাখা সমিতি গঠন কৰা হয়।
উক্ত সভাতেই ভাৰতীয় চাহ মজদুৰ সংঘৰ গোলাঘাট শাখা সমিতিৰ কাৰ্যকৰী সভাপতি হিচাপে মংলো ভূঞাক নিৰ্বাচিত কৰে।
নৱগঠিত শাখা সমিতিখনৰ সৱল নেতৃত্বত গোলাঘাট জিলাৰ বাগিচা অঞ্চলৰ জনসাধাৰণে বহু দিনৰ পৰা সন্মুখীন হৈ অহা বিভিন্ন সমস্যা সমূহ সমাধানৰ ক্ষেত্ৰত বলিষ্ঠ পদক্ষেপ গ্ৰহণ কৰিব বুলি নৱগঠিত শাখা সমিতি খনে সংবাদ মাধ্যমৰ আগত ব্যক্ত কৰে।

ডিজিটেল সংবাদ:গোলাঘাট,১৬ ফেব্ৰুৱাৰীঃ ৰাজ্যখনৰ ভিতৰতে এক অগ্ৰণী শাখা সাহিত্য সভা , অসম সাহিত্য সভাৰ বিশেষ বঁটা প্ৰাপ্ত পশ্চিম গোলাঘাট শাখা সাহিত্য সভাৰ দ্বি-বাৰ্ষিক পূৰ্ণাংগ অধিৱেশনখনি অহা ২ মাৰ্চত বিস্তৃত কাৰ্যসূচীৰে অনুষ্ঠিত হ’ব । এই উপলক্ষে প্ৰস্তুতি পূৰ্ণ গতিত অব্যাহত আছে। গোলাঘাট জিলা পুথিভঁৰাল প্ৰেক্ষাগৃহত আয়োজিত অধিৱেশনৰ পুৱা পতাকা উত্তোলন কৰিব পশ্চিম গোলাঘাট শাখা সাহিত্য সভাৰ ভাৰপ্ৰাপ্ত সভাপতি ভোগেশ্বৰী চাংমায়ে। স্মৃতি তৰ্পণ কাৰ্যসূচীৰ বন্তি প্ৰজ্বলন কৰিব শাখাৰ সহকাৰী সম্পাদক, আধ্যাত্মিক পণ্ডিত তনুজ কুমাৰ মহন্তই। স্মৃতি তৰ্পণ কৰিব জ্যেষ্ঠ বিষয়ববীয়া প্ৰতিমা বৰচেতীয়া,কুমকুম চাংমাই, দীপা বৰা আৰু মন্দিৰা শইকীয়াই। প্ৰতিনিধি সভা উদ্বোধন কৰিব গোলাঘাট জিলা সাহিত্য সভাৰ উপ-সভাপতি মুহিৰাম লইঙে। দিনৰ প্ৰায় ১-৩০ বজাত অনুষ্ঠিত হ’বলগীয়া মুকলি সভাত মুখ্য অতিথি হিচাপে অসম সাহিত্য সভাৰ নৱ-নিৰ্বাচিত সভাপতি, বিশিষ্ট সাহিত্যিক, শিক্ষাবিদ,ভাষাবিদ ড° বসন্ত কুমাৰ গোস্বামী উপস্থিত থাকিব। বিশেষ সন্মানীয় অতিথি

হিচাপে উপস্থিত থাকিব অসম সাহিত্য সভাৰ নৱ-নিৰ্বাচিত প্ৰধান সম্পাদক দেৱজিৎ বৰা। মুকলি সভা শুভ উদ্বোধন কৰিব নুমলীগড় শোধনাগাৰৰ মানৱ সম্পদ বিভাগৰ মুখ্য মহাপ্ৰৱন্ধক, বিশিষ্ট লেখক,কবি ড° কাজল শইকীয়াই। আদৰণী ভাষণ প্ৰদান কৰিব পশ্চিম গোলাঘাট শাখা সাহিত্য সভাৰ প্ৰতিষ্ঠাপক, জ্যেষ্ঠ সাংবাদিক দিগন্ত কুমাৰ ভূঞাই। সভাত বিশিষ্ট অতিথি হিচাপে ক্ৰমে নিৱন্ধকাৰ ডাঃ অজিত বৰুৱা ,শিক্ষাবিদ,বোলছবি পৰিচালক দীনেশ গগৈ, পৌৰপতি দুলুমণি বৰবৰা,গোলাঘাট দেৱৰাজ ৰয় মহাবিদ্যালয়ৰ প্ৰাক্তন অধ্যক্ষ ড° পুতুল চন্দ্ৰ শইকীয়া, গোলাঘাট হেমপ্ৰভা বৰবৰা ছোৱালী মহাবিদ্যালয়ৰ প্ৰাক্তন অধ্যক্ষ ড° বিপুল চন্দ্ৰ ভূঞা, অধ্যাপক দেৱজিৎ ফুকন, গোলাঘাট জিলা সাহিত্য সভাৰ সভাপতি বন্তি বৰা,জিলা সাহিত্য সভাৰ প্ৰাক্তন সভাপতি পৱিত্ৰ বৰবৰা, সদৌ অসম ছাত্ৰ সন্থাৰ কেন্দ্ৰীয় উপ-সভাপতি অভিৱৰ্তন গোস্বামী,অসম জাতীয়তাবাদী যুৱ ছাত্ৰ পৰিষদৰ উপ-সভাপতি জিতুল ৰাজখোৱা, সদৌ অসম লেখিকা সমাৰোহ সমিতিৰ সভানেত্ৰী সূৱৰ্ণ শইকীয়া বৰদলৈ, উপ-পৌৰপতি সীমান্ত বৰা, গোলাঘাট জিলা সাহিত্য সভাৰ সম্পাদক দুলাল চন্দ্ৰ দাস, আটছা, কেন্দ্ৰীয় সমিতিৰ সাধাৰণ সম্পাদক জগদীশ বৰাইক,সদৌ অসম চুতীয়া জাতি ছাত্ৰ সন্থাৰ কেন্দ্ৰীয় সভাপতি মহেন বৰা,সদৌ টাই আহোম ছাত্ৰ সন্থাৰ মুখ্য সাংগঠনিক সম্পাদক কৃষ্ণ বৰুৱা, গোলাঘাট প্ৰেছ ক্লাবৰ সাধাৰণ সম্পাদক প্ৰবীণ কুমাৰ দাস,সদৌ অসম নেপালী সাহিত্য সভাৰ সাধাৰণ সম্পাদক তিলক শৰ্মা, সদৌ অসম অনুসূচীত জাতি ছাত্ৰ সন্থাৰ কেন্দ্ৰীয় সভাপতি দীপাংকৰ দাস, ছাত্ৰ মুক্তি সংগ্ৰাম সমিতিৰ কেন্দ্ৰীয় উপ-সভাপতি ৰূপম গগৈ আদি উপস্থিত থাকিব। গোলাঘাট জিলা ছাত্ৰ সন্থাৰ সভাপতি মিণ্টু গগৈ,সাধাৰণ সম্পাদক চিৰঞ্জীৱ বৰা, গোলাঘাট জিলা লেখিকা সমাৰোহ সমিতিৰ সভানেত্ৰী ডালিমী বৰা শইকীয়া, গোলাঘাট জিলা মহিলা সমিতিৰ সভানেত্ৰী জুৰি দাস ৰাজখোৱা,অসম জাতীয়তাবাদী যুৱ ছাত্ৰ পৰিষদ, গোলাঘাট জিলা সমিতিৰ সভাপতি বাবুল দত্ত, সাধাৰণ সম্পাদক বিদ্যুৎ বৰা, টি,এম,পি,কেৰ কেন্দ্ৰীয় সাংগঠনিক সম্পাদক ভূপেন টাইড, অসম জাতীয়তাবাদী যুৱ পৰিষদৰ জিলা সভাপতি বিপুল বৰা,সাধাৰণ সম্পাদক ৰাজীৱ লস্কৰ, জাতীয় সংগ্ৰামী সেনা,অসমৰ কেন্দ্ৰীয় সম্পাদক মানৱ গগৈ,বীৰ লাচিত সেনা, অসমৰ গোলাঘাট জিলাৰ সাধাৰণ সম্পাদক অভিলাষ বৰা,সদৌ অসম জাতীয়তাবাদী যুৱ ছাত্ৰ পৰিষদৰ কেন্দ্ৰীয় সাধাৰণ সম্পাদক নিপন গগৈ, আমছু, খিলঞ্জীয়া,অসমৰ কেন্দ্ৰীয় সভাপতি ইছাদ হুছেইন, সমাজকৰ্মী ৰাজীৱ শইকীয়া, অসমীয়া যুৱ মঞ্চৰ কেন্দ্ৰীয় কাৰ্যকৰী সভাপতি ইমটিয়াজ হুছেইন , গোলাঘাট জিলা কোচ ৰাজবংশী যুৱ-ছাত্ৰ সন্মিলনৰ সভাপতি সঞ্জীৱ শইকীয়া আদিক আমন্ত্ৰণ জনোৱা হৈছে।‌ অধিৱেশনৰ দিনজৰা কাৰ্যসূচী সাফল্যমণ্ডিত কৰি তোলাৰ অৰ্থে ৰাইজৰ উপস্থিতি তথা সহায়-সহযোগিতা পশ্চিম গোলাঘাট শাখা সাহিত্য সভাৰ সম্পাদক স্বাগতা বৰাই এক প্ৰেছ বিবৃতিযোগে আন্তৰিকতাৰে কামনা কৰিছে।‌

ডিজিটেল সংবাদ:গোলাঘাট,১০ ফেব্ৰুৱাৰীঃ ৰূপালী জয়ন্তী বৰ্ষৰ লগত সংগতি ৰাখি গোলাঘাট প্ৰেছ ক্লাবে বৰ্ষজোৰা কৰ্মসূচী গ্ৰহণ কৰিছে। ইয়াৰ অংশ বিশেষ ৰূপে প্ৰেছ ক্লাবে আজি নুমলীগড় শোধনাগাৰৰ সহযোগত গোলাঘাট নগৰত স্বচ্ছতা অভিযানৰ প্ৰথম পৰ্যায়ৰ কাৰ্যসূচী আজি শুভাৰম্ভ কৰে। গোলাঘাট জিলাৰ সাংবাদিক,সংবাদ কৰ্মী,কবি,লেখক আদিৰ উমৈহতীয়া শক্তিশালী সংগঠন প্ৰেছ ক্লাবে সামাজিক দায়বদ্ধতাৰে হাতত লোৱা স্বচ্ছতা অভিযানয় ডাষ্টবিন প্ৰতিষ্ঠা কাৰ্যসূচী গোলাঘাট নগৰত শুভাৰম্ভ কৰে গোলাঘাট পৌৰ সভাৰ পৌৰপতি দুলুমণি বৰবৰাই। শুভাৰম্ভণি অনুষ্ঠানত গোলাঘাট পৌৰ সভাৰ উপ-পৌৰপতি সীমান্ত বৰুৱা বিশিষ্ট অতিথি হিচাপে উপস্থিত থাকে ।‌ স্বচ্ছতা

অভিযান শুভাৰম্ভ কৰি পৌৰপতি দুলুমণি বৰবৰাই প্ৰেছ ক্লাবৰ এনে যোগাত্মক পদক্ষেপৰ ভুয়সী প্ৰশংসা কৰে।‌ ইয়াৰ পাচতেই গোলাঘাট নগৰৰ সমিপৱৰ্তী তুলেশ্বৰী বৰুৱা মইনাপাৰ উচ্চতৰ মাধ্যমিক বিদ্যালয়ত শিক্ষানুষ্ঠানখনিৰ সহযোগত ছাত্ৰ-ছাত্ৰীৰ মাজত অনুষ্ঠিত হয় স্বচ্ছতা বিষয়ক চিত্ৰাংকন প্ৰতিযোগিতা। চিত্ৰাংকন প্ৰতিযোগিতা শুভ উদ্বোধন কৰে গোলাঘাট দেৱৰাজ ৰয় মহাবিদ্যালয়ৰ প্ৰাক্তন অধ্যক্ষ তথা তুলেশ্বৰী বৰুৱা উচ্চতৰ মাধ্যমিক বিদ্যালয়ৰ পৰিচালনা সমিতিৰ সভাপতি ড° পুতুল চন্দ্ৰ শইকীয়াই। প্ৰতিযোগিতাৰ বিচাৰক হিচাপে উপস্থিত থাকে বিশিষ্ট চিত্ৰশিল্পী বেণু শইকীয়া আৰু চিৰস্মৃতা বৰা।

প্ৰতিযোগিতাৰ ক শাখাত ডেইজী বৰা আৰু কুকি গগৈয়ে যুটীয়াভাৱে প্ৰথম স্থান, বিস্মিতা বৰা দ্বিতীয়,প্ৰতিক্ষা বৰা তৃতীয় স্থান অধিকাৰ কৰে। উদ্গনি বঁটা লাভ কৰে ইছা চেত্ৰীয়ে। বিচাৰকৰ বিশেষ বঁটা লাভ কৰে ষ্টাইলীন শইকীয়াই। প্ৰতিযোগিতাৰ ক শাখাত পূজা দৰ্জীয়ে প্ৰথম স্থান, প্ৰিন্সি বৰুৱা দ্বিতীয়,সুজন চেত্ৰীয়ে তৃতীয় স্থান অধিকাৰ কৰে । উদগনি বঁটা লাভ কৰে অংশুমান শইকীয়াই। গোলাঘাট প্ৰেছ ক্লাবৰ কাৰ্যকৰী সভাপতি জ্যেষ্ঠ সাংবাদিক দিগন্ত কুমাৰ ভূঞাৰ সভাপতিত্বত ছাত্ৰ- ছাত্ৰীৰ মাজত অনুষ্ঠিত হোৱা স্বচ্ছতা আৰু পৰিৱেশ বিষয়ক সজাগতা সভা শুভ উদ্বোধন কৰে তুলেশ্বৰী বৰুৱা মইনাপাৰ উচ্চতৰ মাধ্যমিক বিদ্যালয়ৰ অধ্যক্ষ, বিশিষ্ট শিক্ষাবিদ মৃদুপৱন শৰ্মা বৰবৰাই। গোলাঘাট প্ৰেছ ক্লাবৰ সাধাৰণ সম্পাদক প্ৰবীণ কুমাৰ দাসে আঁত ধৰা সজাগতা সভাত বিশিষ্ট পৰিৱেশ কৰ্মী,নিৱন্ধকাৰ অনন্ত শইকীয়া সমল ব্যক্তি হিচাপে উপস্থিত থাকি বিষয়বস্তুৰ ওপৰত সাৱলীল বক্তব্য আগবঢ়ায়। সভাত মুখ্য অতিথি ৰূপে গোলাঘাট প্ৰেছ ক্লাবৰ সভাপতি,অধ্যাপক ড° দেৱজিৎ ফুকন, বিশিষ্ট অতিথি ৰূপে বিশিষ্ট শিক্ষাবিদ ড° পুতুল চন্দ্ৰ শইকীয়া, ড° তৰালী গগৈ আৰু পশ্চিম গোলাঘাট শাখা সাহিত্য সভাৰ সম্পাদক স্বাগতা বৰাই অংশগ্ৰহণ কৰে । অনুষ্ঠানত প্ৰেছ ক্লাবৰ সহকাৰী সম্পাদক ভাস্কৰ বৰা, বিষয়ববীয়া চবিত বিষ্ট,মনোজ বৰুৱা, পল্লৱীকা বৰুৱা, চন্দন কৰ্মকাৰ,ৰাজীৱ কৰ্মকাৰ, দীপক শইকীয়া, প্ৰিন্সিপিয়া ফুকন, নয়নমণি শৰ্মা, নজৰুল হুছেইন, কনক দাস, অনিমেষ বৰুৱা,দিলীপ শইকীয়া আদিৰ লগতে বিদ্যালয়ৰ শিক্ষক-শিক্ষয়িত্ৰী উপস্থিত থাকে।

ডিজিটেল সংবাদ মৰঙি:

সৰ্ব ভাৰতীয় পৰ্যায়ত অনুষ্ঠিত উদ্যম মহোৎসৱত উজলি উঠিছে গোলাঘাট জিলাৰ মৰঙিৰ অতি ভিতৰুৱা বকিয়ালৰ এখন হাইস্কুল । ভাৰত চৰকাৰৰ শিক্ষা মন্ত্ৰণালয়(MoE), ভাৰত চৰকাৰৰ শিক্ষা মন্ত্ৰণালয়ৰ উদ্ভাৱন বিভাগ(MoE, innovation Cell), ভাৰত চৰকাৰৰ শিক্ষা মন্ত্ৰণালয়ৰ বিদ্যালয় উদ্ভাৱন সমিতি(School Innovation Council) আৰু ভাৰত চৰকাৰৰ -অখিল ভাৰত কাৰিকৰি শিক্ষা সমিতি(AICTE)ৰ সহযোগত যোৱা ১৬ জানুৱাৰী , ন্যেশ্যনেল ষ্টাৰ্ট আপ দিৱস (National Startup Day )ত অনুস্থিত হৈছিল উদ্যম মহোৎসৱ ২০২৫। ভাৰতবৰ্ষৰ ১৪ টা স্থানত অনুষ্ঠিত হৈছিল এই মহোৎসৱ। একে সময়তে অসমৰ গুৱাহাটীত অনুষ্ঠিত হৈছিল এই প্ৰতিযোগিতা। ইয়াত প্ৰতিনিধিত্ব কৰিছিল গোলাঘাট জিলাৰ একমাত্ৰ পি এম শ্ৰী বকিয়াল উচ্চ মাধ্যমিক বিদ্যালয় নামৰ চৰকাৰী বিদ্যালয় খনে। মহোৎসৱত বিভিন্ন শিক্ষা প্ৰতিষ্ঠান তথা উদ্যমী প্ৰতিষ্ঠানৰ পৰা বিভিন্ন ব্যৱসায়ীক সম্ভাৱনা থকা প্ৰকল্পৰ আৰ্হি বিচৰা হৈছিল। এই ১৪ টা স্থানলৈ সমগ্ৰ ভাৰত বৰ্ষৰ বিদ্যালয় সমূহৰ পৰা ৩৭ টা আইডিয়া নিৰ্বাচিত হৈছিল। তাৰে ভিতৰত পি এম শ্ৰী বকিয়াল উচ্চ মাধ্যমিক বিদ্যালয়ৰ অটল টিংকাৰিং লেবৰটৰীৰ পৰা দুটাকৈ আইডিয়া বাচনি কৰা হৈছিল। সুবিধা পাইছিল মহোৎসৱত প্ৰদৰ্শিত কৰাৰ। প্ৰকল্প দুটা হ’ল দ্বিঅংগী শিক্ষণ শিকন যন্ত্ৰ ( বাইনেৰী টিচিং লাৰ্নিং ডিভাইচ) ।প্ৰকল্প কেইটা হ’ল- বাইনেৰী টিচিঙ লাৰ্নিং ডিভাইচ আৰু বহনক্ষম বন্তি (চাচটেইনেবল দিয়া — ইক’ ফ্ৰেইণ্ডলি ফেচটিভেল লাইটিং) । বাইনেৰী শিক্ষণ সজুঁলিৰ জৰিয়তে ৭ৰ পৰা ১৪ বছৰ বয়সৰ শিক্ষাৰ্থী সকলক সহজতে বাইনেৰী কডিং শিকাব পৰা হয় । শিক্ষাৰ্থী সকলক উদ্যমী হোৱাৰ বাবে আগ্ৰহী কৰি তোলাই এই প্ৰতিযোগিতাৰ অন্যতম লক্ষ্য। উল্লেখ্য যে বিদ্যালয়খনৰ পৰা স্থান লাভ কৰা দুয়োটা প্ৰকল্পত বিনিয়োগ কৰিবলৈ বিনিয়োগকাৰীয়ে প্ৰস্তাৱ আগবঢ়াইছে বুলিও জানিব পৰা গৈছে। প্ৰকল্প দুটাৰ ক্ষেত্ৰত শিক্ষাৰ্থী চাৰিজনৰ তত্বাৱধায়ক শিক্ষক সঞ্জীৱ গগৈ। শিক্ষাৰ্থী চাৰিজন হ’ল লুহিত গগৈ, মানৱ বৰা, মৃগাংক শইকীয়া আৰু পল্লৱ বৰা । বিদ্যালয় খনৰ প্ৰধান শিক্ষক যোগেন গগৈয়ে বিদ্যালয়খনৰ

কৃতিত্বৰ বাবে তত্বাৱধায়ক শিক্ষক তথা ছাত্ৰকেইজনলৈ শুভ কামনা জনোৱাৰ লগতে ভৱিষ্যতে এনে উদ্ভাৱনিমূলক কামত জৰিত হোৱাৰ বাবে সকলো সুবিধা দিয়া হ’ব বুলি প্ৰকাশ কৰে। বিদ্যালয় খনৰ কৃতিত্বক সচেতন মহলে অতি আন্তৰিকতাৰে আদৰণি জনাইছে।

ডিজিটেল সংবাদ মৰঙি:

মৰঙিৰ ৰঙাজনলৈ গৌৰৱ
কঢ়িয়াই আনিছে এগৰাকী ছাত্ৰীয়ে।

ছাত্ৰীগৰাকীৰ নাম সবনম চুলতানা।

ৰঙাজানৰ বাসিন্দা জোনমণি বেগমৰ কন্যা সবনম চুলতানা অসম জাতীয় বিদ্যালয়ৰ সদ্যঘোষিত ৰাজ্যিক বৃত্তি পৰীক্ষা ২০২৪-২৫ত সুখ্যাতিৰে উত্তীৰ্ণ হৈ ষষ্ঠ স্থান লাভ কৰি
অঞ্চলটোলৈ গৌৰৱ কঢ়িয়াই আনিছে। সবনম চুলতানা ৰঙাজান জাতীয় বিদ্যালয়ৰ ষষ্ঠ শ্ৰেণীৰ ছাত্ৰী। ছাত্ৰীগৰাকীৰ এই সফলতাত বিদ্যালয়খনৰ সমূহ শিক্ষাগুৰু, অভিভাৱক, আৰু সচেতন ৰাইজে সন্তোষ প্রকাশ কৰিছে।

ডিজিটেল সংবাদ মৰঙি:KOSI LOK MANCH ৰ উদ্যোগত আৰু ৰঙাজান যুৱ সংঘৰ সহযোগত ৰঙাজান চাহ বাগিচাৰ দুৰ্গা মন্দিৰৰ প্ৰাংগণত এখন বাল্যবিবাহ বিৰোধী সজাগতা সভাৰ আয়োজন কৰা হয়।
ৰঙাজান চাহ বাগিচাৰ বিশিষ্ট সমাজ সেৱক তথা অসম চাহ মজদূৰ সংঘৰ সভাপতি শ্ৰীযুত পবিত্ৰ জাল ডাঙৰীয়াৰ সভাপতিত্বত অনুষ্ঠিত হয় এই সজাগতা সভাখনি।
বাল্যবিবাহ বিৰোধী সজাগতা সভা
আজিৰ সভাখনিত শিশু সুৰক্ষা বিভাগৰ বিষয়া উমে কুলচোম ৰহমান,
ৰঙাজান শোণিতপুৰ মধ্য ইংৰাজী বিদ্যালয়ৰ প্ৰধান শিক্ষক শ্ৰীযুত দিলীপ শইকীয়া , ৰঙাজান চাহ বাগিচাৰ সমাজ সেৱক শ্ৰীযুত অতুল জাল ক্ৰমে ৰঙাজান চাহ বাগিচাৰ সমাজ সেৱক শ্ৰীযুত নৰেশ তাঁতী, শ্ৰীযুত ৰাম তাঁতী উপস্থিত থাকে। সভাত উপস্থিত থকা বিশিষ্ট ব্যক্তিসকলে ভাষণ প্ৰদান কৰি বাল্য বিবাহ নিৰ্মূল কৰাত সহযোগ আগবঢ়াবলৈ ছাত্ৰ-ছাত্ৰীসকলক আহ্বান জনায়।
উল্লেখ্য যে বাল্য বিবাহ বিৰোধী সজাগতা সভা খনত কাজিৰঙা ইউনিভাৰচিটিৰ ছাত্ৰ-ছাত্ৰী সকলে এখন নাট প্ৰদৰ্শন কৰে।

অসমীয়া জাতিটোৰ অবিচ্ছেদ্য অংগ আদিবাসী-চাহ জনগোষ্ঠী ৰাইজৰ মাজত সমগ্ৰ অসমতে সকলোৰে নয়নৰ তৰা হৈ পৰিছে কেন্দ্ৰীয় “চাহ শ্ৰমিক মুক্তি সংগ্ৰাম সমিতিৰ” মুখ্য উপদেষ্টা অমিত নাগ। আদিবাসী চাহ জনগোষ্ঠীৰ বিভিন্ন সমস্যা সমাধানৰ হকে নিষ্ঠাৰে, সততাৰে, সাহসেৰে বলিষ্ঠ কণ্ঠৰে অবিৰতভাৱে মাত মতা পৰিলক্ষিত হৈ আহিছে!হাজাৰ হাজাৰ আদিবাসী চাহ জনগোষ্ঠীৰ ৰাইজে আদৰি লৈছে অমিত নাগক।সকলোৰে আশা আৰু শেষ তথা জাতিটোৰ শেস ভৰষা অমিত নাগ বুলি বিভিন্ন চাহ বাগিচাৰ শ্ৰমিকৰ মুখে মুখে।আনকি অমিত নাগক প্ৰশংসা কৰিলে তেখেতক এসময়ত পাঠদান কৰা শিক্ষক শ্ৰী যুত পুনা কুৰ্মী ডাঙৰীয়া লগতে প্ৰশংসা কৰিলে হাইস্কুল শিক্ষান্ত পৰীক্ষাত অৱতীৰ্ণ হ’বলৈ যোৱা ছাত্ৰ-ছাত্ৰী সকল।

আজি খুমটাই আঞ্চলিক চাহ শ্ৰমিক মুক্তি সংগ্ৰাম সমিতিয়ে
আগন্তুক হাইস্কুল শিক্ষান্ত পৰীক্ষা আৰু উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হ’বলৈ যোৱা ছাত্ৰ-ছাত্ৰী সকলৰ মনোবল সাহস প্ৰেৰণা আৰু উৎসাহ বৃদ্ধি কৰিবলৈ পৃথকৈ উক্ত পৰীক্ষা দুটাত ভাল ফলাফল পোৱাত যাতে সহায় হয় সেইকাৰণে আজি এই বিশেষ কাৰ্যসূচী হাতত লোৱা হয় তথা ছাত্ৰ-ছাত্ৰী সকলৰ পৰীক্ষাত ব্যৱহৃত হোৱা যাবতীয় সামগ্ৰী সমুহ দিয়াৰ ব্যৱস্থা কৰি দিয়া পৰিলক্ষিত হয়। ১৩/২/২৫ তাং বৃহস্পতিবাৰ পৰা হ’বলগীয়া HS পৰীক্ষা আৰু অহা ১৫/২/২০২৫/তাং শণিবাৰৰ পৰা হ’বলগীয়া HSLC পৰীক্ষাত অৱতীৰ্ণ হৈ ভাল ফলাফল দেখুৱাই ইয়াত উপস্হিত সকলো পৰীক্ষাৰ্থীয়ে এই অঞ্চলটি লৈ সু নাম কঢ়িয়াই অনাৰ বাবে ললে এক সুকীয়া অনুষ্ঠান। লগতে উক্ত অনুষ্ঠানৰ লগত সংগতি ৰাখি পৰীক্ষাৰ্থী সকলৰ অভিভাৱ তথা বয়োজেষ্ট সকলৰ চৰণ ধুৱাই,এখনি ফুলাম গামোচাৰে চাহ শ্ৰমিক মুক্তি সংগ্ৰাম সমিতিৰ বিভাগীয় সকলো কৰ্মকৰ্তা তথা ছাত্ৰ ছাত্ৰী সকলে সন্মান জনোৱা হয়।

আজিৰ পৰা এক নতুন দিগন্তৰ সূচনা কৰাৰ লগতে উঠি অহা নৱ প্ৰজন্মৰ উত্তৰণৰ ক্ষেত্ৰত এক নতুন উদ্যমেৰে নতুন নিদৰ্শন আগবঢ়াইছে উক্ত পবিত্ৰ অনুষ্ঠানত ব্যক্তিগত মতামত আগবঢ়াই সমুহ উপস্থিত ৰাইজ।উল্লেখযোগ্য যে উক্ত অনুষ্ঠানত উপস্থিত থকা সকলো অভিভাৱকে এনে অনুষ্ঠানত উপস্থিত থাকি চকুলো বৈ অহা পৰিলক্ষিত হয়। হয়তো ইয়াকে কোৱা হয় হৃদয় স্পৰ্শি অনুষ্ঠান।

সমাগত হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষা । পৰীক্ষাৰ পূৰ্বে খুমটাইৰ বিশিষ্ট সমাজকৰ্মী তথা ব্যৱসায়ী পৰাণ জ্যোতি শইকীয়াই এক বিশেষ পদক্ষেপ গ্ৰহণ কৰিছে । ছাত্ৰ-ছাত্ৰীৰ শিক্ষা জীৱনৰ অতি গুৰুত্বপূৰ্ণ হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাৰ পূৰ্বে তেওঁ খুমটাই সমষ্টিৰ বিভিন্ন প্ৰান্তত পৰীক্ষাৰ্থীসকলক উৎসাহিত কৰিবলৈ পৰীক্ষাৰ শুভেচ্ছা পত্ৰ প্ৰদান কৰাৰ লগতে শৈক্ষিক সামগ্ৰী সমৃদ্ধ একোটাকৈ উপহাৰৰ টোপোলা আগবঢ়াইছে । আজি পৰাণজ্যোতি শইকীয়াই খুমটাইৰ গৰঙা চাহ বাগিচাৰ নৰ্থ গৰঙা প্ৰাথমিক বিদ্যালয় প্ৰাঙ্গণত হাইস্কুল শিক্ষান্ত আৰু উচ্চতৰ মাধ্যমিক চূড়ান্ত পৰীক্ষাত অৱতীৰ্ণ হ’বলৈ ওলোৱা গৰঙা চাহ বাগিচাৰ প্ৰায় অৰ্ধ শতাধিক ছাত্ৰ-ছাত্ৰীক একোখনকৈ শুভেচ্ছা পত্ৰ আৰু শৈক্ষিক সামগ্ৰী উপহাৰ হিচাপে আগবঢ়ায় । লগতে ছাত্ৰ-ছাত্ৰীসকলক উৎসাহিত কৰি বহুমূলীয়া বক্তব্য আগবঢ়াই । এই কাৰ্যসূচীত গৰঙা চাহ বাগিচাৰ জন কল্যাণ বিষয়া লীলাধৰ মৃদ্ধা , বিশিষ্ট সমাজকৰ্মী জীতেন কুৰ্মী , যুৱনেতা ৰূপান্তৰ তাঁতী , নৰ্থ গৰঙা প্ৰাথমিক বিদ্যালয়ৰ পৰিচালনা সমিতিৰ সভাপতি বিজু কমাৰকে ধৰি কেইবাজনো বিশিষ্ট ব্যক্তি উপস্থিত থাকে । সমাজকৰ্মী পৰাণ জ্যোতি শইকীয়াই আগন্তুক দিনত ছাত্ৰ-ছাত্ৰীসকলৰ শৈক্ষিক, ক্ৰীড়া আদি বিভিন্ন দিশত আগবঢ়াই নিয়াৰ ক্ষেত্ৰত এনেধৰণৰ পদক্ষেপ গ্ৰহণ কৰি যাব বুলি জানিবলৈ দিয়ে ।

মৰঙি ৰাজহ চক্ৰ বিষয়া ৰণণ্ময় ভৰদ্বাজৰ নেতৃত্বত ৩৯ নং ৰাষ্ট্ৰীয় ঘাইপথৰ কাষৰ পোৰাবঙলাত অবৈধ বেদখলকাৰীৰ বিৰুদ্ধে উচ্চেদ অভিযান৷ আৰক্ষী, অৰ্ধসামৰিক বাহিনীৰ দল লগত লৈ সৰু – বৰ একাংশ ব্যবসায়িক প্ৰতিষ্ঠানত এস্কেভেটৰৰ হাতোৰা৷ ৰাষ্ট্ৰীয় ঘাইপথটোৰ কাষৰ অবৈধ বেদখলৰ বাবে যান যঁটৰ সমস্যাৰ সমান্তৰালভাৱে দৈনিক বৃদ্ধি পাইছিল পথ দুৰ্ঘটনা৷ যাৰ বাবে দুৰ্ঘটনা ৰোধ কৰাৰ লগতে যান যঁটৰ সমস্যা সমাধানৰ বাবে এনে পদক্ষেপ গ্ৰহণ কৰা বুলি জানিবলৈ দিয়ে ৰাজপত্ৰিত বিষয়াগৰাকীয়ে৷

মৰঙিৰ ৰঙাজান সামূহিক ভৱনত বিনামূলীয়া চিকিৎসা শিবিৰ।
সেৱা ভাৰতী পূৰ্বাঞ্চল আৰু নেচনেল মেডিকোজ অৰৰ্গানাইজেশ্বনৰ অধীনত অনুষ্ঠিত কৰা হয় বিনামূলীয়া স্বাস্থ্য শিবিৰ।
এই শিবিৰৰ মূল উদ্দেশ্য হৈছে অঞ্চলটোৰ জনসাধাৰণৰ মাজত স্বাস্থ্যৰ প্ৰতি সজাগতাৰ সৃষ্টি কৰা। তদুপৰি এই শিবিৰত বিনামূলীয়াকৈ স্বাস্থ্য পৰীক্ষা কৰাৰ লগতে বিনামূলীয়া ঔষধৰ ব্যৱস্থা কৰা হয় ৷
এই স্বাস্থ্য শিবিৰত ৰঙাজান চাহ বাগিচা খনৰ প্ৰায় ১৪৯ গৰাকী ৰোগীক চিকিৎসা প্ৰদান কৰাৰ লগতে বিনামূলীয়াকৈ ঔষধ প্ৰদান কৰে ৷
উক্ত শিবিৰত চিকিৎসকৰ কেইবাটাও বিভাগৰ দল উপস্থিত থকাৰ লগতে চাহ বাগিচা খনৰ জনসাধাৰণৰ স্বাস্থ্যৰ সম্পৰ্কে পৰামৰ্শ আগবঢ়ায় ৷
ইয়াৰ যোগেদি চাহ বাগিচা খনৰ দৰিদ্ৰ ৰাইজৰ বহু সুবিধাজনক হ’ব বুলি উল্লেখ কৰে চিকিৎসকৰ দলে ৷
ৰাইজৰ উপকৃত হোৱাকৈ গোলাঘাট জিলাৰ বিভিন্ন প্ৰান্তত স্বাস্থ্য শিবিৰ আয়োজন কৰা হ’ব বুলি উল্লেখ কৰে চিকিৎসকে ৷
উল্লেখ্য যে পাটনা AIIMS ৰ চিকিৎসক সিদ্ধাৰ্থ ডুবে সহ গুজৰাট আৰু ৰাজস্থানৰ চাৰি জনীয়া চিকিৎসকৰ দল উপস্থিত থাকে উক্ত শিবিৰ খনত।