অৰুনাচললৈ ফুৰিবলৈ গৈ দুৰ্ঘটনাত পতিত মৰঙিৰ দুটা পৰিয়াল। কণমানিসহ ৬জন লোক পতিত দুৰ্ঘটনাত। দুৰ্ঘটনাত পতিত এজন লোকৰ মৃতদেহ উদ্ধাৰ। আঘাতপ্ৰাপ্ত অৱস্থাত উদ্ধাৰ এগৰাকী মহিলা, এটি কণমানি। বৰ্তমানেও উদ্ধাৰ হোৱা নাই ৩জন। এখন স্ক’ৰপিঅ বাহনত গৈছিল লোককেইজন. অৰুণাচলৰ মায়দিয়ালৈ গৈছিল ফুৰিবলৈ। উভতনি পথত মায়দিয়া-ৰয়িঙৰ মাজত এই দুৰ্ঘটনা। মৃত লোকজন চালক অজয় ছেত্ৰী ওৰফে মনোজ ছেত্ৰী। উদ্ধাৰ হোৱা মহিলাগৰাকীৰ নাম হৰিমায়া ছেত্ৰী। উদ্ধাৰ হোৱা কণমানিৰ নাম ৰস্নী ছেত্ৰী। উদ্ধাৰ হোৱা নাই মিনা ছেত্ৰী, ৰঞ্জিত ছেত্ৰী আৰু সুৰজ ছেত্ৰী। বাহনখনৰ সৈতে ৫০০ ফুট দ’ খাৱৈত আবদ্ধ হৈ আছে লোককেইজন। আহতসকলক ততাতৈয়াকৈ ডিব্ৰুগড় চিকিৎসা লৈ প্ৰেৰণ। মৰঙি মৌজাৰ ঔগুৰি চাপৰিৰ পৰা অৰুণাচললৈ গৈছিল লোককেইজন।

Breaking- গোলাঘাট ৰ মৰঙিৰ 39 নং ৰাষ্ট্ৰীয় ঘাইপথৰ শলমাৰি গাঁও ত ভয়াবহ পথ দুৰ্ঘটনা । AS 05 J 7888 নম্বৰৰ এখন I 20 বাহন আৰু AS 05 AC 4672 নম্বৰৰ বালি কঢ়িওৱা ডাম্পাৰ ৰ মুখামুখী সংঘৰ্ষ। গুৰুত্বৰ ভাৱে আহত ৬ জনৰো অধিক লোক । তাৰে তিনিজনৰ অৱস্থা অতি শংকটজনক।আহত সকলক ততাতৈয়াকৈ স্থানীয় লোকৰ সহায়ত চিকিৎসালয়লৈ প্ৰেৰণ। I 20 বাহন খন বিবাহযাত্ৰী গাড়ী আছিল। কমাৰগাঁও ত কন্যা থৈ উভতি আহিছিল। ঘটনাস্থলীত আৰক্ষী ৰ দল উপস্থিত।

গোলাঘাটৰ পাঁচখন চাহ বাগিচা চিকিৎসালয় আয়ুষ্মান আৰোগ্য মন্দিৰলৈ ৰূপান্তৰ গোলাঘাট অসমৰ চাহ বাগিচা সমূহত চিকিৎসা সেৱা ব্যবস্থা অধিক বলবস্ত কৰাৰ উদ্দেশ্যেৰে অসম চৰকাৰৰ অন্যতম পদক্ষেপ হিচাপে আজি ইংৰাজী ২২ জানুৱাৰী, ২০২৫ তাৰিখে ৰাজ্যখনৰ ৩৫৪খন চাহ বাগিচা চিকিৎসালয়ৰ লগত MoU (বুজাবুজিৰ স্মাৰকপত্ৰ) স্বাক্ষৰ কৰা হয়।

এই এম.ও.ইউ’ ৰ জৰিয়তে বৰ্তমানৰ চাহ বাগিচা চিকিৎসালয় সমূহ আয়ুষ্মান আৰোগ্য মন্দিৰলৈ উন্নত কৰা হ’ব। আয়ুষ্মান আৰোগ্য মন্দিৰলৈ ৰূপান্তৰিত হোৱাৰ বাবে এই স্বাস্থ্য কেন্দ্ৰ সমূহত ৰাষ্ট্ৰীয় স্বাস্থ্য অভিযানৰ অধীনত সামূহিক স্বাস্থ্য বিষয়া নিযুক্ত কৰাৰ কাৰ্য সম্পন্ন হব আৰু চাহ বাগানৰ ৰাইজক স্বাস্থ্য সেৱা প্ৰদান কৰাৰ ক্ষেত্ৰখন বহল হৈ পৰিব। প্ৰসূতি – মাতৃ আৰু শিশু স্বাস্থ্য,পৰিয়াল পৰিকল্পনা, প্ৰতিষেধক প্ৰদান, বয়োজ্যেষ্ঠ জনৰ স্বাস্থ্য সেৱা, শয্যাগত ৰোগী সকলৰ চিকিৎসা আৰু পৰিচৰ্যা, কিশোৰ – কিশোৰীৰ স্বাস্থ্যৰ যত্ন, সংক্রামক আৰু অসংক্রামক ৰোগ প্ৰতিৰোধ, বিভিন্ন ৰোগ আৰু স্বাস্থ্যৰ কল্যাণমূলক সজাগতা কাৰ্যসূচী আদিৰ সুবিধা প্ৰদান কৰা হ’ব।

আজিৰ কাৰ্যক্ৰমৰ ৰাজ্যিক ভিত্তিত মুকলি অনুষ্ঠানত উপস্থিত থাকে অসম চৰকাৰৰ মাননীয় স্বাস্থ্য মন্ত্ৰী শ্ৰীযুত অশোক সিংহল, শ্ৰমিক কল্যাণ বিভাগৰ মাননীয় মন্ত্ৰী শ্ৰীযুত ৰূপেশ গোৱালা, সামাজিক ন্যায় আৰু সবলীকৰণ বিভাগৰ মাননীয় মন্ত্ৰী শ্ৰীযুত পিয়ুষ হাজৰিকা, বিভিন্ন জিলাৰ পৰা অনুষ্ঠানত অংশগ্ৰহণ কৰা বহুকেইজন বিধায়ক, স্বাস্থ্য বিভাগৰ আয়ুক্ত সচিব ডা: পি. অশোক বাবু, ৰাষ্ট্ৰীয় স্বাস্থ্য অভিযান, অসমৰ পৰিচালক ডা: এছ. লক্সমনন, চাহ বাগিচা অঞ্চলৰ বিভিন্ন সংস্থাৰ সদস্য সকল তথা স্বাস্থ্য বিভাগৰ বিষয়া -কৰ্মচাৰি আদি উপস্থিত থাকে।

গোলাঘাট জিলাত ৰাজ্যিক ভিত্তিত অনুষ্ঠিত কাৰ্যক্ৰম ভিদিও কনফাৰেন্সৰ দ্বাৰা জিলা আয়ুক্তৰ কাৰ্যালয়ৰ সভাকক্ষত দুপৰীয়া ২ বজাৰ পৰা কাজিৰঙা লোক সভা সমষ্টিৰ মাননীয় সাংসদ শ্ৰীযুত কামাখ্যা প্ৰসাদ তাছাৰ উপস্থিতিত অনুষ্ঠিত হয়। সভাত জিলা আয়ুক্ত শ্ৰীযুত পুলক মহন্ত, অতিৰিক্ত আয়ুক্ত (স্বাস্থ্য বিভাগ) শ্ৰী জেমছ আইণ্ড, সহকাৰী শ্ৰমিক আয়ুক্ত শ্ৰীমতী তিলোত্তমা দেউৰী,
যুটীয়া স্বাস্থ্য সেৱা সঞ্চালক ডা: ৰণজিত ভূঞা, জিলা সমাজ কল্যাণ বিষয়া শ্ৰীযুত দূদু দত্ত, অসম চাহ মজদুৰ সংঘৰ সভাপতি শ্ৰীযুত ঘনশ্যাম বাঢ়ৈ , চাহ বাগান সংস্থা (NETA)ৰ শ্ৰীমতী মণীষা শৰ্মা, চুক্তিবদ্ধ হোৱা গোলাঘাট জিলাৰ পাঁচখন চাহ বাগান- ৰঙাজান, ঊষা, জামুগুৰি, লেতেকুজান, দৈয়াং বাগানৰ কাৰ্য্যনিৰ্ব্বাহক, মহকুমা স্বাস্থ্য আৰু চিকিৎসা বিষয়া, ৰাষ্ট্ৰীয় স্বাস্থ্য অভিযান, গোলাঘাটৰ খণ্ড আৰু জিলা পৰ্যায়ৰ বিষয়া সকল আদি উপস্থিত থাকে।

মৰঙী মৌজাৰ ফলঙনি ত ৰুদাক্ষ্য থিয়েটাৰে পবঞ্চনা কৰিলে এখনি সমিতি ক।
যোৱা ১৭ ১৮ ১৯ জানুৱাৰী ত ২নং ফলঙনি নামঘৰৰ সাহায্যথে নিমন্ত্ৰণ জনাইছিল থিয়েটাৰ ৰুদাক্ষক।
থিয়েটাৰ প্ৰতিনিধি দেৱাশীষ শ ইকীয়া ই আগমন হিচাপে ৪০ হাজাৰ টকা লৈছিল সমিতি পৰা। যথা সময়ত থিয়েটাৰৰ পেণ্ডেল নপৰাত আয়োজক সমিতিয়ে থিয়েটাৰৰ কতৃপক্ষৰ সহাৰি নোপোৱাত যোৰহাট স্থিত থিয়েটাৰ মালিক ৰুপজ্যোতি বৰাক লগ কৰাত পুনৰ ২০জানুৱাৰীৰ পৰা থিয়েটাৰ প্ৰদৰ্শন কৰাৰ আশ্বাস দিয়ে যদিও
সময় মতে থিয়েটাৰ কৰ্তৃপক্ষ ৰ সহাৰি নোপাৱাত উপায়ন্তৰ হৈ একে স্থানতে অণ্য এখন থিয়েটাৰ আমন্ত্ৰণ কৰি ৰাইজক সকাহ দিবলৈ চেষ্টা কৰা পৰিলক্ষিত হৈছে। অহা ২৪ ২৫ ২৬ জানুৱাৰী ত বীণাপাণি থিয়েটাৰ প্ৰদৰ্শন কৰিব বুলি জানিব লৈ দিছে।
গোলাঘাট ৰ পৰা অৰুপ পূজাৰী ঈশান নিউজ

মৰঙি মৌজাৰ বগীজান থানাই আজি এক স্বচ্ছতা কাৰ্যসূচী গ্ৰহণ কৰে। বগীজান থানাৰ অন্তৰ্গত কেইখনমান গাঁওৰক্ষী বাহিনীৰ উদ্যোগত নৱপুৰ বালিজান গাঁওৰক্ষী বাহিনীৰ এলেকাৰ পোৰাজংঘল সাপ্তাহিক বজাৰত এই স্বচ্ছতা কাৰ্যসূচী ৰূপায়ন কৰা হয়। বগীজান থানাৰ ভাৰপ্ৰাপ্ত বিষয়া প্ৰাঞ্জল বৰুৱা, থানা সমিতিৰ সভাপতি সোমেশ্বৰ গগৈ, সম্পাদক ৰবীন হাজৰিকাকে ধৰি স্থানীয় চুবুৰীয়া কেইবাখনো গাঁওৰক্ষী বাহিনীৰ লগতে স্থানীয় ৰাইজে কাৰ্যসূচীটোত অংশগ্ৰহণ কৰে। সকলোৱে হাতে হাতে ঝাড়ু লৈ বজাৰৰ চৌহদৰ লগতে বাট পথ সমূহৰ জাবৰ জোথৰ গোটাই পেলনীয়া প্লাষ্টিক আদিবোৰ জ্বলাই ঠাইডোখৰ পৰিষ্কাৰ কৰাৰ লগতে কাষৰ ব্যৱসায়ী তথা দোকানীসকলক ঠাই ডোখৰ পৰিষ্কাৰ কৰি ৰাখিবলৈ আহ্বান জনায়।

মৰঙি মৌজাৰ ভিতৰতে বৰ্ষীয়ান ব্যক্তি কেন্দুগুৰি গাঁৱৰ বাসিন্দা সোন্তি গোহাঁইক বিশেষ সম্বৰ্ধনা জনোৱা হয় । ১০৩ বছৰ বয়সতো সুস্থ হৈ থাকি নিজৰ দৈনন্দিন কাম কাজ কৰি থাকিব পাৰে । শ্রীমন্ত শংকৰদেৱ সংঘৰ এগৰাকী নিষ্ঠাবান আৰু দায়িত্বশীল ব্যক্তি হিচাপে জীৱনৰ মূল্যবান সময়খিনি ৰাইজৰ তথা সমাজৰ সেৱাৰ কৰ্মত অতিবাহিত কৰি যিখিনি ত্যাগ আৰু মহানুভৱতাৰ পৰিচয় দিলে- সেই সকলোখিনি প্রতিগৰাকী সমাজ সচেতন ব্যক্তিৰ বাবে চিৰস্মৰণীয় হৈ জিলিকি থাকিব।
এগৰাকী জনপ্রিয় সহজ সৰল, সফল ব্যক্তি হিচাপে হাজাৰ হাজাৰ অনুৰাগী তথা শুভাকাংক্ষী ব্যক্তিৰ হৃদয় জিনিব পৰা মহান ব্যক্তিগৰাকীক আজি পোৰাজংঘলস্থিত জগন্নাথ প্ৰাথমিক শাখাৰ এটি সজাতি দল সোন্তি গোহাঁইৰ বাসগৃহত উপস্থিত হৈ বিশেষ সম্বৰ্ধনা জনায়।
এগৰাকী সংস্কৃতিৰ সাধক সোন্তি গোহাঁয়ে চৌবিশ বিধ বাদ্য বজাব জনাৰ ওপৰিও এগৰাকী সফল নামাচাৰ্য, সুনিপুন ৰান্ধনি, আদর্শবান কৃষক, সুদক্ষ বাঢ়ৈ বিভিন্ন ৰোগৰ বনৌষধি পৰামর্শদাতা আদি বহু মহান গুণৰ অধিকাৰী তেওঁ।