গোলাঘাট জিলাৰ মৰঙিত বন বিভাগৰ ব্যতিক্ৰমী প্ৰচেষ্টা । বন্যজন্তুৰ দ্বাৰা ক্ষতিগ্ৰস্ত হোৱা লোকে ক্ষতিপূৰণ বিচাৰি ঘূৰিব নালাগে কাৰ্য্যালয় কাৰ্য্যালয়ে।

হয়, এইবাৰ গোলাঘাট জিলাৰ মৰঙিত বন বিভাগে লৈছে ব্যতিক্ৰমী প্ৰচেষ্টা । গোলাঘাট জিলাত বন্যপ্ৰাণীৰ দ্বাৰা ক্ষতিগ্ৰস্ত হোৱা লোকসকলক সহজতে ক্ষতিপূৰণ লাভ কৰিবৰ বাবে মুকলিকৈ আৱেদন গ্ৰহণৰ ব্যৱস্থা কৰিছে। গোলাঘাট জিলা বন প্ৰাধিকাৰী বিষয়া সুশীলকুমাৰ ঠাকুৰীয়া আৰু ৰাজহ চক্ৰ বিষয়াই নিজে উপস্থিত থাকি গ্ৰহন কৰিছে আৱেদনৰ নথিপত্ৰ। লগতে বনবিভাগে ৰাইজৰ মাজত গৈ মাইক লৈ এই সন্দৰ্ভত সজাগতা সৃষ্টিৰো ব্যৱস্থা কৰিছে। মুলতঃ ক্ষতিগ্ৰস্ত হোৱা পৰিয়ালসমূহৰ সহায়ৰ বাবেই এনেদৰে ওলাই আহিছে বন বিভাগৰ বিষয়াসকল

– নুমলীগড়ৰ কাষৰীয়া কমাৰগাঁও আৰক্ষীৰ জালত এখন ALTO PRESSO বাহন আৰু কুকুৰ সহ তিনি সৰবৰাহকাৰী । ALTO PRESSO বাহন খনৰ নম্বৰ AS 02 AB 7059 ,ৰাজপথত খেদি খেদি ৯ টা কুকুৰ সহ কমাৰগাঁও আৰক্ষীয়ে আটক কৰে বাহন সহ তিনিজনক। সৰবৰাহকাৰী কেইটা নাম ক্ৰমে গোবিন্দ চন্দ্ৰ দাস ,কাইটু মাৰাক, গোলাপ দাস । সদিয়াৰ পৰা আনি আছিল কুকুৰ সমুহ। বৰ্তমান কমাৰগাঁও আৰক্ষীয়ে সকলোকে জিম্মাত লৈ অব্যাহত ৰাখিছে তদন্ত।

নুমলীগড় গ্ৰাম্য আৰক্ষী থানাৰ অধীনৰ “পংকা সপ্তশ্বহীদ প্ৰাথমিক স্বাস্থ্যকেন্দ্ৰৰ সমীপৰ ৩৯ নং ৰাষ্ট্ৰীয় ঘাইপথত” এক ভয়ংকৰ পথ দুৰ্ঘটনা সংঘটিত হয়৷ এখন যাত্ৰীবাহী বাচ আৰু বিপৰীত দিশৰ পৰা অহা AS-05V-1563 নম্বৰৰ TVS মপেদ বাইক আৰু AS-05-C-4598 বাচৰ মাজত হোৱা মুখামুখি সংঘৰ্ষৰ ফলত মপেদ আৰোহীজনৰ থিতাতে মৃত্যু হয়৷ আনহাতে ঘটনাস্থলীত নুমলীগড় আৰক্ষী উপস্থিত হৈ আনজন আহত মপেদ আৰোহীক সংকটজনক অবস্থাত বিবেকানন্দ কেন্দ্ৰ এন আৰ এল চিকিৎসালয়ত ভৰ্তি কৰাৰ লগতে যাত্ৰীবাহী বাচখন জব্দ কৰে৷ ইতিমধ্যে মৃতদেহটো উদ্ধাৰ কৰি মৰণোত্তৰ পৰীক্ষাৰ ব্যবস্থা কৰিছে আৰক্ষীয়ে ৷ মৃত আৰু আহত লোকজনৰ পৰিচয় জানিব পৰা হোৱা নাই

মৰঙি ৰাজহচক্ৰৰ অধীনৰ ধলাগুৰী চাহ বাগিচা গাওঁৰক্ষী বাহিনীৰ উদ্যোগত ধলাগুৰী ৰাজহুৱা খেল পথাৰত আজি এক ৰাজহুৱা সজাগতা সভা অনুষ্ঠিত হয়৷ বিশেষকৈ অনান্য অঞ্চলৰ লগতে মৰঙিৰ বাগিচা সমুহত বৃদ্ধি পোৱা বাল্য বিবাহ, মাদক দ্ৰব্য আৰু হাতী – মানুহৰ সংঘাত নিৰ্মূলৰ বাবে এই সজাগতা সভা অনুষ্ঠিত কৰে ধলাগুৰী চাহ বাগিচাৰ গাওঁৰক্ষী বাহিনীৰ আতিথ্যত নুমলীগড় থানা সমিতি, নুমলীগড় আৰক্ষী আৰু বকিয়াল খণ্ড বন বিভাগে৷ নুমলীগড় থানা সমিতিৰ সভাপতি যোগেন বৰুৱাৰ সভাপতিত্বত অনুষ্ঠিত সভাৰ উদ্দেশ্য বাখ্যা কৰে ধলাগুৰী বাগিচা গাওঁৰক্ষী বাহিনীৰ সম্পাদক ফিৰণ মাহিলীয়ে ৷ সভাত বাল্য বিবাহ আৰু মাদক দ্ৰব্যৰ কু প্ৰভাব আৰু ভাৰতীয় ন্যায় সংহিতা অবমাননাৰ বাবে হব লগা শাস্তিৰ বিশদভাবে ৰাইজক অবগত কৰে নুমলীগড় আৰক্ষী থানাৰ বিষয়া নৰেন চেতীয়াই৷ আনহাতে হাতী- মানুহৰ সংঘাত উপশম আৰু সহাৱস্থানৰ জৰিয়তে হাতী – মানুহৰ সংঘাত কিদৰে ৰোধ কৰিব পৰা হব এই সন্দৰ্ভত বিস্তৃত বিবৰণ দাঙি ধৰি বকিয়াল খণ্ড বন বিভাগৰ সহকাৰী খণ্ড বন বিষয়া প্ৰকাশ দাসে বক্তব্য ৰাখে৷ সভাত ভাৰতীয় চাহ মজদুৰ সংঘৰ গোলাঘাট জিলা সমিতিৰ সম্পাদক মুকেশ জাল, শিক্ষক জিতেন কুমাৰ হাজৰিকাই কেউটা বিষয় সামৰি সমস্যা সমুহ নিৰাময় সন্দৰ্ভত বক্তব্য ৰাখে৷ সভাত ধলাগুৰী চাহ বাগিচাৰ শ্ৰমিক ৰাইজৰ লগতে স্থানীয় বহুজন লোক উপস্থিত থাকে ## Marangi live অসম ##